ಅಳುವುದೊ ನಗುವುದೊ ನೀವೇ ಹೇಳಿ ?

೨೨ ಮೇ ೨೦೧೧ ರವಿವಾರ "ನಂಗೆ ಇಷ್ಟಾನೋ" ವಿಶ್ವೇಶ್ವರ ಭಟ್ಟರ ಅಂಕಣದಲ್ಲಿ "Brilliant ಉತ್ತರ ಬರೆದರೂ ಹೀಗಾ ?" ಎಂಬ ಶೀರ್ಷಿಕೆ ಅಡಿಯಲ್ಲಿ ಕೇಳಿದ ಕೆಲ ಪ್ರಶ್ನೆ ಹಾಗೂ ಉತ್ತರ ಹೀಗಿದೆ.

ಪ್ರಶ್ನೆ : ಟಿಪ್ಪು ಸುಲ್ತಾನ ಯಾವ ಕಾಳಗದಲ್ಲಿ ಮಡಿದ ?
ಉತ್ತರ: ಕೊನೆ ಕಾಳಗದಲ್ಲಿ

ಪ್ರಶ್ನೆ : ಸ್ವಾತಂತ್ರ್ಯ ಘೋಷಣೆಗೆ ಸಹಿ ಹಾಕಿದ್ದು ಎಲ್ಲಿ ?
ಉತ್ತರ:  ಕಾಗದ ಕೊನೆಯಲ್ಲಿ

ಇಲ್ಲಿ ಏನೋ ಭಟ್ಟರು ಎತ್ತಿ ತೋರಿಸಿ ಹಾಸ್ಯ ಮಾಡಿದ್ದಾರೆ. ಕೆಲ ಸಂಕೀರ್ಣ ಪ್ರಶ್ನೆಗಳಿಗೆ ಹೀಗೆ ಸರಿಯಾಗಿ ಕಾಣುವ ಆದರೆ ಅನ್ವಯವಾಗದ ಉತ್ತರಗಳನ್ನು ಬೇರ್ಪಡಿಸುವದು ಸರಳವಾಗಿರುವದಿಲ್ಲ. ಇದನ್ನೇ ಬಂಡವಾಳ ಮಾಡಿಕೊಂಡು ನಿಜ ಜೀವನದಲ್ಲಿ ಕೆಲವರು ಈ ತರಹ ಉತ್ತರ ಸರಿಯಾಗಿದ್ದರೂ ಸಂದರ್ಭಕ್ಕೆ, ಸನ್ನಿವೇಶಕ್ಕೆಅನ್ವಯವಾಗದ ಉತ್ತರಗಳನ್ನು ಕೊಟ್ಟು ಅನೇಕರಿಂದ ಸೈ ಅಥವಾ Brilliant ಅಂತ ಕೂಡ ಅನ್ನಿಸಿಕೊನ್ದುಬಿಡ್ತಾರೆ. ಈ ತರಹ ಉತ್ತರ ಕೊಡುವರನ್ನು ಮುಗ್ಧ ಎನ್ನಬೇಕೋ ಅಥವಾ ಜಾಣ ಕುರುಡು ಎನ್ನಬೇಕೋ ತಿಳಿಯುದಿಲ್ಲ. ತಮಗೂ ಈ ಅನುಭವ ಆಗೇ ಇರುತ್ತೆ ಅಂದುಕೊಂಡಿದ್ದೇನೆ.

ಈಗ ನೀವೇ ಹೇಳಿ : ಅಳುವುದೊ ನಗುವುದೊ ?